(निगडी) : निगडी प्राधिकरणातील अप्पूघर परिसरातील कथित वृक्षतोडीचा मुद्दा ऐरणीवर आला असून, या प्रकरणाची सखोल चौकशी करून दोषींवर कठोर कारवाई करण्याची मागणी करण्यात आली आहे. झाडांच्या फांद्या छाटण्याच्या परवानगीच्या आडून प्रत्यक्षात झाडेच तोडण्यात आल्याचा आरोप आम आदमी पार्टीने केला (Appughar Tree Cutting) आहे
अप्पूघर परिसरात १३ झाडांच्या फांद्या छाटण्याची परवानगी असताना सुमारे ४९ झाडे तोडण्यात आल्याचा दावा करण्यात आला आहे. या प्रकरणी संबंधित ठेकेदारावर गुन्हा दाखल करावा, तसेच परवानगी देणाऱ्या आणि देखरेख करणाऱ्या यंत्रणेचीही चौकशी करावी, अशी मागणी ‘आप’च्या पदाधिकाऱ्यांनी महापालिका प्रशासनाकडे केली (Appughar Tree Cutting)आहे.
वृक्षतोडीमुळे परिसरातील पर्यावरणाचे नुकसान होत असल्याची चिंता पर्यावरणप्रेमी आणि स्थानिक नागरिकांनी व्यक्त केली आहे. कापण्यात आलेल्या झाडांची संख्या, वृक्षतोडीसाठी दिलेली परवानगी आणि प्रत्यक्ष कारवाई यांची पडताळणी करून वस्तुस्थिती स्पष्ट करण्याची गरज आहे. दोषींवर कारवाई करण्यासोबतच कापलेल्या झाडांच्या जागी नवीन झाडे लावून त्यांचे संगोपन करण्याची मागणीही करण्यात येत (Appughar Tree Cutting)आहे.
दरम्यान, या प्रकरणातील आरोपांची अधिकृत चौकशी आणि महापालिका प्रशासनाची भूमिका स्पष्ट झाल्यानंतरच वृक्षतोडीचे नेमके स्वरूप आणि पुढील कारवाईबाबत चित्र स्पष्ट होणार (Appughar Tree Cutting)आहे.